-
Пребарај
Талентиран во секој поглед. Новиот Audi Q3.
Новиот Audi Q3 е семејно теренско возило, талентиран во секој поглед. Во втората генерација тој се претставува не само визуелно самоуверен, туку благодарение на големиот простор, сеопфатната варијабилност и многуте практични детали, нуди и значително поголема ефикасност. Мажествениот преден дел на новиот Audi Q3 се истакнува преку единечната рамка во дизајн на октагон и големите странични отвори за воздух. Концептот на простор ветува пространост: зависно од позицијата на задната клупа и на наслоните, багажниот простор нуди до 675 литри волумен, а при спуштени седишта дури и до 1525 литри. Оттука, компактното теренско возило е опремено со многубројни решенија за Infotainment, како на пример дигиталниот кокпит и големиот ММИ дисплеј на допир. За време на возењето во град, на долгите патеки и при паркирањето, на возачот му помагаат паметните системи за помош, кои се грижат за уште поголем комфор во новиот Audi Q3.
Галерија Audi Q3 мултимедија
Моќ и присутност.
Мажествениот преден дел на новиот Audi Q3 се истакнува преку единечната рамка во дизајн на октагон и големите странични отвори за воздух. Решетката за ладење со својата впечатлива рамка е составена од осум вертикални ребра со што се отсликува карактерот на теренското возило. Значаен перформанс на страничниот приказ е симетричната светлосна графика на фаровите и задните светла. Линијата на рамената истите формално ги поврзува и со силната мускулатура преку куќиштата на тркалата се грижи за целосно атлетски впечаток. Контурите ја цитираат генетиката на quattro и овозможуваат ова теренско возило да изгледа уште пошироко. Дополнително, испакнатите капаци за тркала во боја го истакнуваат теренскиот изглед на ова возило. Поткрепени од долг спојлер на кровниот раб, којшто странично го закрилува задното стакло, силно накосените D-столбови визуелно и даваат на изведбата на линиите импулс нанапред. За влез на пазарот Audi им нуди на своите клиенти едиција на модел, којшто обединува многу дополнителни опции. За уште понагласен спортски настап тука се грижи и S line пакетот за екстериер, кај кого многу детали се дополнително истакнати во боја. Исто така и спортското подвозје, 20-инчните тркала и Matrix LED-фаровите припаѓаат кон опремата.
Простран и варијабилен: концептот на простор
Поради своите големи димензии, новиот Audi Q3 се позиционира во високата класа на компактни теренски возила: типично за оваа класа, тој нуди удобно влегување и добра прегледност, а истовремено и спортска позиција на седење. Управувачот е соодветно цврсто поставен. Седиштата можат по желба електрично да се поставуваат. Неговото долго меѓуоскино растојание овозможува сеопфатна понуда на простор за колената, главата и лактите. Еден од неговите врвни перформанси е и поделбата на просторот со високо ниво на варијабилност, како дел од сериската опрема: Задната клупа може да се помести во должина и нејзините наслони поделени во три дела можат да се поместуваат во однос на наваленоста во седум нивоа. Во зависност од позицијата на задната клупа и наслоните, багажниот простор нуди до 675 литри волумен. Со спуштени наслони може да добиете и до 1525 литри. Заедно со клучот за комфорно користење, задната врата може да се отвора и затвора со движење на стапалото.
Интелигентно мрежно поврзан и целосно дигитален.
Концептот на ракување и на прикажување кај семејното теренско возило се претставува во целосно дигитално издание: уште кај сериската опрема тој е опремен со ММИ радио и дигитална инструментна табла со дијагонала од 10,25 инчи, со која може да се ракува преку повеќефункцискиот управувач. Кај опционалната врвна опрема ММИ Навигација плус мерење врши и еден дополнителен екран на допир од 10,1 инч и со природно говорно управување се грижи за високо ниво на комфор при ракувањето. Приказите се појавуваат во опционалниот 10,25 инчен Audi виртуелен кокпит, и на тој начин сите податоци, како на пример ММИ функциите, брзината и бројот на вртежите, ги имате во директното поле на видливост и можете да го конфигурирате приказот според Вашите потреби. За уникатно доживување на звукот се грижи опционалниот музички систем Bang & Olufsen Premium.
Агилност на и надвор од патот: возната динамика
Подвижен во град, агилен на регионални патишта, одмерен на автопат - подвозјето на новиот Audi Q3 нуди широка палета на опции. На тој начин, новото теренско возило опуштено ги совладува нерамнините - дури и при долго меѓуоскино растојание. По желба, карактеристиките на новиот Audi Q3, во зависност од возната ситуација, состојбата на патот или од личните потреби, може да варираат со помош на системот за возна динамика Audi drive select. Тој нуди шест профили - од нагласено комфорен, преку особено ефикасен, па сè до исклучително спортски. Активиран само со притискање на копче, опционалниот систем за помош при возење по надолнини ја одржува претходно поставената брзина и на многу остри стрмнини. Форматот на алуминиумските тркала од Audi Sport GmbH достигнува дијаметар од 17 односно од 18 инчи - во зависност од формата на екстериерот - дури и до 20 инчи.
Комфор и безбедност
И кај системите за помош, новиот Audi Q3 воодушевува со својата опрема. Врвен перформанс е системот за помош на адаптивно долго светло, кој е опционално достапен во комбинација со S tronic. Тој ги обединува функциите системот за помош за прилагодлива брзина, системот за помош при застој и на системот за помош при водење по коловозна лента. На тој начин, тој го води возачот надолжно и попречно, а особено на долги патеки тоа претставува начителна придобивка за комфорот.
Прогресивна технологија на светло
Фаровите на новиот Audi Q3 се тесни и се протегаат заедно навнатре во облик на клин. Истите се достапни во три различни изведби, сите со LED-технологија. Опционално, можете да ги изберете и Audi Matrix LED-фаровите. Нивната високо прилагодлива распределба на светлината го подобрува не само осветлувањето на коловозот, туку придонесува и за поголема безбедност и комфор при возењето. Дополнително, динамичните трепкачи ја истакнуваат напредната технологија на светла и во задниот дел.
Уште повеќе спортски карактеристики
За влез на пазарот Audi нуди едиција на модел, којшто обединува многубројни дополнителни опции. Притоа, за истакнат спортски настап се грижи S line пакетот за екстериер, кај кого многу детали се дополнително истакнати во боја. Исто така и спортското подвозје, 20-инчинте тркала и Matrix LED-фаровите припаѓаат кон оваа опрема. Ексклузивен додаток се Audi прстените во единечната рамка и ознаката на моделот во задниот дел која е изведена во црна боја. Од опциите за лак можете да изберете помеѓу боите Puls портокалова и Chronos сива. Кон врвните перформанси на ентериерот се вбројуваат спортските седишта со специфични шевови во контрастна боја, плоснатиот кожен управувач, контурното/амбиенталното светло и апликациите од алуминиум. Елементите на инструментната табла и на наслоните за раце во вратите се изведени во Alcantara.