Истакнуваме > e-tron Sportback > e-tron

Првото целосно електрично Audi. Новиот e-tron Sportback.

Quattro електричен погон на сите тркала, моќност до 300 kW (408 КС) и досег кој во зависност од конфигурацијата може достигне до 446 километри со едно полнење на батеријата.

Подгответе се за возбудлива забава при возењето.

Новиот Audi e-tron Sportback комбинира чисти емоции со новиот купе дизајн.

Електрично - сега уште повозбудливо Audi e-tron Sportback.

Нова Перспектива. e-tron Sportback импресионира со својата спортска елеганција.

Естетски патописец

Новиот Audi e-tron Sportback импресионира со својата спортска елеганција. Елементите на атлетскиот дизајн на праговите ја прават видлива ниската позиција на батеријата и создаваат визуелна фокусна точка. Напред, големата "Singleframe" решетка во дизајн на октагон со вертикални потпори е особено впечатлива. Назад, линијата на покривот е непогрешлив знак дека станува збор за Sportback.

Audi e-tron Sportback е дизајнерска икона што можете да ја персонализирате со опционалниот спортски надворешен пакет S-Line. Со впечатливите отвори за воздух, задниот спојлер и алуминиумските прагови на вратите, вие внесувате не само спортско присуство, туку и екстраваганција на патот.

Купе линијата на покривот го нагласува спортскиот изглед, додека динамичната Sportback силуета изразува прогресивна страст. Во внатрешноста, возилото нуди елегантна атмосфера со опционалниот пакет за избор на специфични Audi елементи.

Поглед Одзади

Страничен поглед

Фронтален поглед

Покажете ги вашите бои

Дизајнирајте го вашиот Audi e-tron Sportback според вашите индивидуални идеи: 13 бои, од кои некои се опционални, го нагласуваат карактерот на возилото на различни начини. Ви нудиме, меѓу другото, Foil сребрена, Plasma сина и Daytona сива боја.

Врвен квалитет во внатрешноста

Внатрешноста на Audi e-tron Sportback нуди мешавина од дигитални технологии и високо ниво на удобност. Виртуелниот кокпит на Audi MMI поддржува интуитивно работење. Опционалниот панорамски стаклен покрив обезбедува пријатна и светла внатрешност и подобрена климатизација преку ефикасниот систем за вентилирање.

Поставете дополнителни спортски акценти со внатрешниот S-Line пакет, опционално достапен за Audi e-tron Sportback. Спортските седишта со S-Line лого не само што имаат врвен комфор, туку и овозможуваат прецизна положба на седење. Во пакетот е вклучен и спортски кожен волан со S-Line амблем и осветлени прагови на вратите со алуминиумски прагови.

Електрифицирани перформанси

Целосно електричниот погонски систем на Audi e-tron Sportback има електричен мотор на предната и задната оска со вкупна моќност* до 300 kW (408 КС). Максималниот вртежен момент до 664 Nm овозможува забрзување без доцнење. Во режимот "Boost", возилото забрзува од 0 до 100 km/h за само 5,7 секунди и има максимална брзина од 200 km/h.

*(комбинирана потрошувачка на енергија во kWh/100 km: 21,6-26,3 (WLTP); 20,6-23,9 (NEDC) ; комбинирани емисии на CO2 во g/km: 0)

Прогресивна помош при управување

Прогресивното управување на Audi e-tron Sportback го оптимизира однесувањето на управувањето. При возење во градски услови, имате намален напор во управувањето, при паркирање или маневрирање, а на патишта со многу свиоци агилното и прецизното ракување обезбедува поголема контрола.

Прилагодлив и удобен

Технологија која се прилагодува на вашиот стил на возење: опционалната спортска воздушна суспензија на Audi e-tron Sportback автоматски го регулира нивото на возилото и амортизацијата, а со тоа ја зголемува удобноста при возењето и динамиката на возењето. Можете исто така да користите различни режими за сами да влијаете на карактеристиките на возење преку системот за динамика на возење на Audi drive select.

Постигнете ги вашите цели

Максималниот досег на Audi e-tron Sportback до 446 километри главно се должи на високонапонската батерија со капацитет од 95 kWh (бруто). Рекуперацијата - т.е. дополнувањето на енергијата - исто така ја игра својата улога: во повеќе од 90 проценти од вкупниот број на сопирања на возилото, Audi e-tron Sportback рекуперира енергија само со користење на неговите електрични мотори.

Капацитет на батеријата

Капацитетот на високонапонската батерија на возило со електрична енергија е поделена на бруто и нето капацитет. Бруто капацитетот го опишува целиот физички капацитет на високонапонската батерија. Меѓутоа, за да се заштити од само-празнење, да се зголеми работниот век и да се обезбеди резерва за итно стартување, теоретски достапната енергетска содржина е технички ограничена. Оваа всушност употреблива енергетска содржина се нарекува нето капацитет.

Капацитетот на батеријата на Audi e-tron Sportback е

Бруто 95 kWh
Нето: 86 kWh

Благодарение на бројните опции за полнење, Audi e-tron Sportback е целосно погоден за секојдневна употреба. Возилото стандардно доаѓа со полнач кој може да се приклучи на стандарден 220v приклучок, како и адаптер кој може да се поврзе на напон со капацитет од 11 kW. Опционално возилото може да биде опремено со внатрешен on-board полнач, кој му овозможува на возилото да се полни со капацитет од 22 kW.

Голем простор за многу идеи

Audi e-tron Sportback е комбинација на динамика, функционалност и соодветност за секојдневна употреба.

Внатрешноста нуди многу простор и багажен простор со волумен од 615 литри. Со склопени седишта е дури 1.655 литри. Патниците на задните седишта имаат и многу простор за главата и нозете.

Често поставувани прашања

Колку далеку можам да возам со Audi e-tron Sportback?

Според тест циклусот WLTP, Audi e-tron 55 Sportback има досег од 446 km, а e-tron 50 Sportback 346 km.

Каква гаранција за батеријата дава AUDI AG? Дали е можно да се поправи и батеријата?

AUDI AG дава гаранција од 8 години или 160.000 километри на високонапонската батерија на новите возила. Гаранцијата ги опфаќа сите дефекти на материјалот и изработката. Да, HV батеријата може да ја поправа обучен персонал (експерти за висок напон).

Дали можам да го полнам возилото на обичен 220v приклучок?

Возилото стандардно доаѓа со приклучок за полнење од 220v кој е достапен во секој дом или гаража, како и приклучок за електична енергија со капацитет од 11 kW.

Зошто можам да полнам само со 11 kW на станица за полнење од 22 kW?

Во возилото стандардно е инсталиран вграден полнач (OBC) со 11 kW. Вториот OBC се нуди како опција. Полнењето со 22 kW е можно со два вградени полначи. Audi e-tron Sportback стандардно се полни со еднонасочна струја (DC) до 150 kW.

Како можам да го зголемам мојот досег?

Возете со предвидливост и внимавајте на вашата брзина.
Користете го режимот на возење "Efficiency". Ова е дизајнирано за економично возење.
Обрнете внимание на нивото на возилото. Намалете го отпорот на воздухот со спуштање на висината на возилото со помош на режимот "Sport" или "Efficiency".
Обрнете внимание на дополнителните потрошувачи како климатизација, радио, светла, греење на задното стакло. Тие исто така ја користат енергијата од батеријата.
Избегнувајте возење со непотребни додатоци како што се багажници на покривот, освен ако тоа не е неопходно.
Користете го ECO воздушниот притисок.
Користете го предкондиционирањето (програмирање на времето на поаѓање) кога возилото е сè уште поврзано со станицата за полнење.
Користете го режимот на досег (ограничена работа на возење).

Контактирајте Audi партнер