СПОРТСКИ КОМПЛИМЕНТ

Предниот дел на новото Audi S4 Limousine ширината ја истакнуваат Singleframe решетката и нагласената хоризонтална линија. Браникот и отворите за воздух се маркантно контурирани. Многу од додатоците се лакирани во мат сиви тонови, додека хромираните делови даваат точкести акценти. На течно заоблените рабови на 4,74 метри долгото S4 Limousine веднаш се забележуваат куќиштата на надворешните ретровизори со алуминиумски изглед.

Во Audi S4 Limousine имате избор од широката понуда на системи за помош на возачот. Предвидливиот систем за ефикасност му помага на возачот со напомени за менување степени при заштеда на гориво. Системот Audi active lane assist му помага да се задржи во коловозната лента. Системот adaptive cruise control со Stop & Go функција заедно со системот за помош при застој до брзина од 65 km/h ги презема забрзувањето, забавувањето и управувањето и со тоа му олеснува на возачот кога сообраќајот е густ.