Впечатлив трендсетер. Audi A1 citycarver.

Неговиот индивидуален дизајн создава незаменлив настап, неговите флексибилни можности на опрема ја будат фантазијата за креирање, неговото агилно делување се грижи за огромно уживање при возењето - Audi A1 citycarver е Crossover-возило со многу предности. Моќен. Спортски. Инспиративен. Модерен.

Напомена: Audi A1 citycarver сè уште не може да се конфигурира.

Впечатливиот дизајн на Audi A1 citycarver е дефиниран според неговиот робустен изглед. Примери за тоа се истакнатите отвори за воздух под просторот на моторот и страничното обложување на куќиштата на тркалата и страничните лајсни. Во предниот дел исто така паѓа в очи големата Singleframe-решетка во дизајн на октагон со тридимензионална решетка во вид на саќе во мат црна боја. Кратките надвиснувања напред и одзади, широките крила и опционално тркалата со големина до 18 инчи му даваат на возилото целосно моќен и спортски изглед, а заштитата на подвозјето од лакиран нерѓосувачки челик ги навестува неговите способности за на отворен терен.

Типични карактеристики на Audi A1 citycarver, во споредба со основниот модел, се поголемата вкупна висина, поголемо растојание од подлогата и повисоката позиција за седење на лицата. За возило со компактни димензии, Audi A1 citycarver располага со голем волумен на багажниот простор од 335 литри. При спуштен грбен наслон целосниот волумен на просторот за товарање се зголемува до 1090 литри и Ви овозможува возење на одмор со две лица заедно со багажот. За дополнителен простор за сместување Ви нудиме практична посебна опрема од Audi оригиналните додатоци, како на пример кутија за скии и багаж.

Подвозјето, управувачот и распределбата на тежина кај Audi A1 citycarver се совршено меѓусебно прилагодени и овозможуваат спортски начин на возење. Зголеменото ниво во поглед на агилноста ја нуди опционалниот пакет за динамика. Тој опфаќа црвени облоги за сопирачки, систем за возна динамика Audi drive select, активатор на звук и подвозје со придушувачи што се менуваат.

Посебна спортска изведба на Audi A1 citycarver е онаа на илустрациите на "edition one".  Кон неговите ексклузивни опции припаѓаат на пример впечатливиот лак на надворешноста во Pfeil-сива боја со бисерен ефект и 18-инчните тркала на Audi Sport. Покривот е задржан во контрастна боја, заштитната решетка на ладилникот на Singleframe-решетката како и Audi-прстените напред и одзади се во црна боја. Затемнетите LED фарови и LED задните светла го надополнуваат визуелниот изглед. Уште еден јасен симбол е и амблемот "edition one" над страничните прагови.